Noriega Varela, Antonio, 1869-1947
Noriega Varela, Antonio, 1869-1947
(Mondoñedo, España, 1869 - Viveiro, Lugo, España, 1947)
Estudou no seminario de Mondoñedo, onde trabou amizade con Manuel Leiras Pulpeiro. No seminario vai destacar, máis ca pola súa dedicación aos estudos, pola súa facilidade como versificador en composicións satíricas e humorísticas.
En 1901 ocupou o posto de mestre de escola en Foz, onde coñeceu a Antón Villar Ponte e entrou en contacto co movemento agrario que abandeiraba Basilio Álvarez. Neste intre foi cando Noriega comezou a escribir poemas cívicos alentando á loita agraria e formou parte do periódico local ¡Guau... Guau!, no cal estaban Villar Ponte e Camilo Cela, pai de Camilo José Cela.
Tres anos despois logrou o seu traslado á escola de Trasalba, preto da cidade de Ourense, onde fixo amizade con Ramón Otero Pedrayo e os demais integrantes do Grupo Nós. Grazas ás lecturas na extensa biblioteca do pazo de Trasalba, propiedade de Otero Pedrayo, Noriega Varela coñeceu en profundidade a literatura portuguesa, que deixaría unha gran pegada na súa obra. Viaxou en varias ocasións a Portugal entrando en contacto con poetas como Raul Brandão e João Verde. E sobre todo trata con Teixeira de Pascoaes, visitándoo no seu pazo de Amarante. En 1921 foi nomeado correspondente do Instituto Histórico do Minho e tamén correspondente da Academia das Ciências de Lisboa.
Aos 57 anos volve á montaña, a Santa Madalena da Graña de Vilarente (Abadín) onde reside seis anos e entra en contacto con Aquilino Iglesia Alvariño. En 1931 trasládase como mestre a Santa María de Chavín (cerca de Viveiro). En outubro de 1939 chégalle a xubilación cando tamén impartía aulas de latín nun colexio privado.
Co tempo, Noriega foise afastando das directrices culturais e políticas do movemento agrario, chegando a apoiar ao réxime franquista.
Galipedia
Nós (Ourense. 1920)
Traducido ao italiano por:
Battelli, Guido, 1869-1955
A.N.V. (Noriega Varela, Antonio), 1869-1947
2. Catálogo de autoridades da Biblioteca Nacional de España. XX1049645. Visitado o 14 de maio 2020
Enlaces relacionados
earthGalipedia
earthWikipedia
earthConcello de Mondoñedo
earthruc-UDC
Imaxe asociada á ficha
Xunta de Galicia. Información mantenida y publicada en internet por la Xunta de Galicia
Atención a la ciudadanía - Accesibilidad - Aviso legal - Mapa del portal