Gil Casares, Felipe, 1877-1953

Gil Casares, Felipe, 1877-1953

(Santiago de Compostela, España, 1877 - Vilagarcía de Arousa, Pontevedra, España, 1953)

Apuntes biográficos/históricosLicenciouse en dereito e foi catedrático de dereito civil na Universidade de Santiago de Compostela. O 25 de agosto de 1923, o alcalde de Santiago, Vicente Goyanes Cedrón presentou a súa renuncia, argüíndo razóns de saúde e de acumulación de traballo na súa cátedra de medicina, sendo aceptada na sesión municipal do día 29. A alcaldía asumiuna o concelleiro monterista e garcíaprietista Manuel Fuentes Rodríguez, que levaba todo o mes de agosto exercendo a alcaldía accidental. Por fin, o 13 de setembro produciuse a caída do Goberno do país de García Prieto tras o golpe de estado de Miguel Primo de Rivera. Era cuestión de tempo que en Santiago o mandato de Fuentes chegara a súa fin, e así sucedeu a tarde do 1º de outubro. Nas dependencias da alcaldía presentouse o Comandante Militar de Santiago e Coronel do Rexemento de Zaragoza nº 12, Julio Rodríguez Pérez, quen tras visitar o Pazo de Raxoi decidiu a destitución de todos os concelleiros, recibindo a autoridade militar o bastón de mando. A continuación convocou para esa mesma tarde á Xunta de Asociados co obxecto de proceder á elección de novos concelleiros. Unha vez reunidos, entre eles Gil Casares, o Coronel deu lectura a un Decreto en virtude do cal os membros da Xunta quedaban automaticamente convertidos en concelleiros. Procederon a continuación a votar ao alcalde, que resultou o propio Felipe Gil Casares por 20 votos a favor e un en branco. Desempeñou este posto ata xaneiro de 1924 e de novo de novembro de 1930 até o 12 de abril de 1931.
Logo de proclamarse a República entrou en Acción Popular, partido que entrou a formar parte da CEDA (Confederación Española de Derechas Autónomas), coalición pola que saíu elixido deputado pola provincia da Coruña nas eleccións xerais españolas de 1933 e de 1936.
Cando se produciu o golpe de Estado do 18 de xullo de 1936 presentouse ao comandante militar de Compostela Bermúdez de Castro con 30 mozos das JAP armados para ofrecer os seus servizos aos sublevados. O 17 de novembro de 1936 nomeárono reitor da USC, posto desde o que promoveu unha xuntanza de apoio aos sublevados entre os reitores da España franquista dirixida á comunidade internacional. Desde novembro de 1938 foi maxistrado da Sala do Contencioso-Administrativo do Tribunal Supremo de España.
Galipedia

RelaciónsFamiliar de:
   Casares López, Román, 1908-1990
Fillo de :
   Gil Villanueva, Ramón, 1837-1913
Irmán de :
   Gil-Casares, Miguel, 1871-1931
Neto de :
   Casares, Antonio, 1812-1888
Sobriño de :
   Gil Villanueva, Jacobo, 1831-1906
Sobriño de :
   Casares Teijeiro, Fermín, m. 1912
Sobriño de :
   Casares Teijeiro, Demetrio, 1845-1920
Sobriño de :
   Casares Gil, José, 1866-1961
Sobriño de :
   Casares Gil, Antonio, 1871-1929
Sobriño neto de:
   Teijeiro, Maximino, 1827-1900

Linked Open DataWikidata
Virtual International Authority File
Datos.bne.es

Formas alternativas do nomeGil Casares, F., 1877-1953
F. G. C., 1877-1953
Gil, Felipe, 1877-1953
Gil Casares, 1877-1953
Gil-Casares, Felipe, 1877-1953
Gil y Casares, Felipe, 1877-1953

Fontes consultadas1. Autores galegos na BUSC. Visitado o 3 de xuño de 2021. http://www3.usc.es/busc-autoresgalegos/autoridadesdet.asp?ida=2107
2. Catálogo de autoridades da BNE. XX1284358. Visitado o 27 de maio de 2021

Enlaces relacionados

Galipedia
Universidad Carlos III
Imaxe asociada á ficha

Buscas no catálogo

Obras como autor

Obras sobre esta persoa

Obras nas que colabora

Todas as obras relacionadas

Campo de Actividade

Política Ensino Dereito

Filiación

Universidade de Santiago de Compostela Acción Popular Confederación Española de Derechas Autónomas España. Tribunal Supremo Santiago de Compostela. Concello

Ocupación