Valladares Núñez, Marcial, 1821-1903

Valladares Núñez, Marcial, 1821-1903

(Vilancosta, A Estrada, España, 1821 - 1903)

Apuntes biográficos/históricosNacido na feligresía de San Vicente de Berres, cursou estudos de Dereito en Santiago, onde se licenciou no ano 1844. Chegou a ser nomeado xefe superior de Administración Civil, pero no ano 1866 decidiu consagrarse á literatura "no sosegado retiro do seu solar nativo".
Escribiu en numerosos xornais, entre eles El eco de Galicia de La Habana ou O tío Marcos da Portela. Colaborou na obra de Madoz Diccionario geográfico-histórico-estadístico de España y sus posesiones de Ultramar debéndoselle a el un gran número de datos e noticias relativos á provincia de Pontevedra. É salientable a súa preocupación polo estudo da nosa lingua, recollida en Elementos de la gramática gallega, e a súa colaboración no Diccionario gallego-castellano, o que lle serviu para obter un asento na Real Academia Española.
Cultivou a poesía, pero a súa obra máis representativa é a novela Majina ou a filla espúrea, que pasa por ser o primeiro testemuño de prosa de ficción na literatura galega. Deixou inédito un moi interesante Cancionero Musical gallego.

RelaciónsColabora con:
   Madoz, Pascual, 1806-1870
Colabora con:
   Murguía, Manuel, 1833-1923
Colabora con:
   Saco y Arce, Juan Antonio, 1835-1881
Colabora con:
   Rodríguez Marín, Francisco, 1855-1943
Colabora con:
   Machado y Álvarez, Antonio, 1848-1892